تونس تتكلم تكواندوا

بعد مشاركتي في لجنة التنظيم للدورة 29 للألعاب العالمية

للتكواندو 🥋 ، نحب نشكر الWTF إلِى عطات ثقتهم في تونس 🇹🇳 لإحتضان الحدث الي يضم زوز دورات :  الاولى الأٌلمبياد (olympiades) و الثانية هي الدورة العالمية (mondiales) 🗺زيد عليهم الاجتماع الاكبر لرأساء الجمعيات للتكواندو في العالم (اكثر من 300 شخص). 

الميزة الايجابية من هذه الدورة في تونس هي التسويق للسياحة في البلاد و انتعاش القطاع ، و إختيار مدينة الحمامات ما كانش إعتباطي بالعكس مكان مدروس . 

الحمد الله النتيجة كانت النجاح و التألق 💫لتونس ككل بشهادة من المشاركين العالمين إلي مستانسين إدوروا من بلاد لبلاد (بش ما تقولوش شكار روحوا 😏). هوما كانو des athlètes أما انا كنت نرى فيهم des touristes و نفرح كي يحكِوْ بالباهي عالبلاد . 

كانوا فارحين بحسن الاستقبال و حسن المعاملة على كل المستويات من المطار ، النقل ، الإقامة ... حتى من الطقس عجبهم 🌞 😁 هذا الكل يتحسب للبلاد ونتمنى إنو يرجع منهم و لو حتّي الشطر 🤩. 

يبقي ما فمَاش حدث يتعدى sans imperfection. 

و faille هوني كانت في الصمت و الغياب الاعلامي 🗣و غياب التشهير بالدورة ، يبقى حتى لليلة البداية  و حتى شيء ما يدّل على وقوع حدث رياضي عالمي باش يبدا . 

يبقا منديال روسيا كسرولنا بيه ريوسنا امّا حاجة صايرة في البلاد موش لازم نحكيو عليه 🤦‍♂️.

و كانكم من الصفحة الرسمية للوزارة ما خسرة كان هبطت زوز تصاور نهارت الى ربحت شيماء التومي فوقها جملة أكثر ما نجم نقول عليها باردة . حتى حفل الافتتاح تعدّى inaperçu بالرغم إلي حضرو فيه برشا وجوه سياسية .

 السؤال المحيرني علاش هذا الكل ؟ شكون المستنفع ؟ و إلوقتاش باش تبقى لعباد تخمم في مصالحها الخاصة و عرك الاحزاب ؟ 

تونس راهي فوق كل شيء و قد ما تحبّو تبركوها ما كمش باش تنجموا. 


تنجموا تشوفٌ اكثر صور للدورة 2018 World Junior Taekwondo Championships.